PEKİN YAY OLİMPİYA OYUNLARI AZƏRBAYCAN YIĞMA KOMANDASI ÜÇÜN UĞURLU OLMUŞDUR
AZƏRTAC xəbər verir ki, bu sözləri Milli Olimpiya Komitəsinin (MOK) vitse-prezidenti Çingiz Hüseynzadə Pekin Yay Olimpiya oyunlarında Azərbaycan idmançılarının çıxışlarını qiymətləndirərkən demişdir.
Ç.Hüseynzadə vurğulamışdır ki, otən Olimpiadalarda idmançılarımızın uğurlu çıxışları olsa da, biz Pekində daha çox sevincli anlar yaşadıq. Olimpiadada idmançılarımız əldə etdikləri 7 medalla ilk 30 komanda sırasına düşə bildilər. Bu, olduqca yaxşı bir göstərici idi.
MOK-un vitse-prezidenti demişdir ki, Azərbaycanda Olimpiya hərəkatına, idmanın inkişafına ölkə başçısı İlham Əliyev tərəfindən çox böyük diqqət yetirilir. Bu səbəbdən də Pekində keçirilən Olimpiadada əsas vəzifələrimizdən biri də Prezidentin bizə göstərdiyi ehtimadı doğrultmaq idi və biz bu şərəfli işin öhdəsindən layiqincə gəldik.
Bölmənin digər xəbərləri
