PLANETDƏ TEMPERATUR KƏSKİN SURƏTDƏ QALXA BİLƏR
AZƏRTAC xarici KİV-lərə istinadla xəbər verir ki, Britaniya hökumətinin aparıcı elmi müşaviri professor Devid Kinq xəbərdarlıq etmişdir ki, planetdə orta temperatur təhlükəli həddə çata bilər. Onun sözlərinə görə, buna səbəb müxtəlif ölkələrin hökumətlərinin istixana qazlarının atmosferə buraxılmasının azaldılması barədə razılığa gələ bilməməsidir. Avropa İttifaqının rəsmi vəzifəsi artımı 2 dərəcə ilə məhdudlaşdırmaqdır. Lakin D.Kinqin fikrincə, artımı 3 dərəcə həddində saxlayacaq razılıq çətin ki əldə olunsun.
Eyni zamanda, ABŞ istixana qazlarının atmosferə buraxılmasını azaltmaqdan imtina edir. Hindistanda və Çində atmosferə buraxılan zərərli tullantıların həcmi getdikcə artır. Kinqin hesablamalarına görə, bu, flora və faunanın yarısının və iri meşə ekosistemlərinin məhv olmasına gətirib çıxaracaqdır.
Bölmənin digər xəbərləri
