POLİS ŞÖBƏSİ ÜÇÜN YENİ BİNA İNŞA OLUNUR
AZƏRTAC xəbər verir ki, 2008-ci ildə Naxçıvan Muxtar Respublikası cinayətsiz region, Naxçıvan şəhəri isə təhlükəsiz şəhər elan olunmuşdur.
Bu məqsədə nail olmaqda hüquq-mühafizə orqanları əməkdaşlarının, xüsusilə polisin üzərinə mühüm vəzifələr düşür. Qarşıya qoyulmuş vəzifələri qüsursuz yerinə yetirmək üçün polis orqanlarına hərtərəfli qayğı göstərilir, lazımi şərait yaradılır. Babək qəsəbəsində rayon polis şöbəsi üçün yeni inzibati binanın tikilməsi bu qayğının parlaq ifadəsidir.
Naxçıvan MR Ali Məclisinin sədri Vasif Talıbov tikinti meydançasına gəlmiş, işlərin gedişi ilə maraqlanmışdır.
Ali Məclisin sədrinə məlumat verilmişdir ki, hazırda binanın fasad hissəsində və otaqlarda suvaq işləri aparılır, elektrik, rabitə sistemi qurulur, digər tədbirlər həyata keçirilir.
V.Talıbov tikinti ilə bağlı tövsiyələrini vermişdir.
Bölmənin digər xəbərləri
