POLŞA QƏRBİ ALMANİYANI İŞĞAL ETMƏYİ PLANLAŞDIRIRMIŞ
VMT-nin planlarına görə, nüvə zərbəsindən sonra Polşa qoşunları Qərbi Almaniyanı bir neçə gün ərzində işğal etməli idilər. Onlar radiasiya ilə zəhərlənmiş rayonlarda vuruşmalı idilər. Bu əməliyyatda təxminən
yarım milyon əsgər iştirak etməli və onlar Almaniya-Fransa sərhədinə altı gündən sonra çıxmalı idilər. Planlaşdırılmış itkilər (yaralılar və ölənlər) AFR-i tutmalı olan ordunun şəxsi heyətinin təqribən 40 faizini təşkil edəcəkdi.
Bu plan ötən əsrin 60-cı illərində hazırlanmışdı və Polşanın hərbi və siyasi rəhbərliyi tərəfindən bəyənilmişdi.
Polşa Müdafiə Nazirliyinin 1980-ci illərin əvvəllərində hazırladığı digər planlara görə, müharibənin gedişində 194-dək taktiki nüvə döyüş sursatından istifadə etmək nəzərdə tutulurdu.
Varşava Müqaviləsi Təşkilatının arxivlərini üzə çıxarmaq qərarı Polşada axırıncı prezident seçkilərində mühafizəkarlar qələbə qazandıqdan sonra qəbul edilmişdir. Müdafiə naziri Radoslav Sikorski bildirmişdir ki, yeni hökumət postkommunist dövrünə bu yolla son qoymaq niyyətindədir
Bölmənin digər xəbərləri
