Azərbaycan Dövlət İnformasiya Agentliyi

DÜNYA

PORTUQALİYALI MOBİL TELEFONUN PARTLAMASI NƏTİCƏSİNDƏ ZƏRƏR ÇƏKMİŞDİR

15.04.2006 [20:02]
Çap et
A⁺ A^-

AZƏRTAC xarici KİV-lərə istinadla xəbər verir ki, Portuqaliya sakini Joao Oliveyra mobil telefonun partlaması nəticəsində zərəz çəkmiş, ayağında çoxsaylı qəlpə yarası ilə xəstəxanaya çatdırılmışdır.

Oliveyranın sözlərinə görə, o, 4 il əvvəl aldığı Nokia 6310 telefonu motosikletdə gedərkən partlamışdır. Partlayış telefona zəng gələndən sonra baş vermişdir. Oliveyra gurultulu səs eşitmiş, ayağında isə şiddətli ağrı hiss etmişdir.

Nokia şirkətinin Portuqaliya bölməsinin nümayəndələri bu hadisəni izah etməkdən boyun qaçırmışlar. Nokia mobil telefonları ilk dəfə deyildir ki, partlayır. Partlayışın səbəblərini Finlandiya şirkətinin istehsalı olan mobil telefonlar üçün buraxılmış keyfiyyətsiz təchizat elementləri ilə izah edirlər.