Praqada qeyri-adi sərgi açılacaqdır
Praqa, 13 noyabr (AZƏRTAC). Praqanın Qoleşovitse rayonunda yerləşən sərgi pavilyonunda noyabrın 14-16-da unikal sərgi - avtobus və ictimai nəqliyyatın “Czechbus-2013” III Mərkəzi Avropa sərgisi keçiriləcəkdir. Burada bütün kateqoriyalardan 40 avtobus, o cümlədən “Coach”, yerli və xarici istehsalçıların avtobusları nümayiş etdiriləcəkdir. Onların arasında Çexiyanın istehsalı olan 14 yeni avtobus, habelə keçmişdə sərnişinlərə xidmət edən “Skoda RTO-K” kimi markalar vardır. “Sor Libchavy” ekspozisiyasında “Skoda-Solaris” elektrobusu (trolleybusla avtobusun hibridi), sıxılmış qazla işləyən “Solaris” markalı avtobus, yeni EBN-8 elektrobusu yeniliklər arasındadır.
“SKD Trade” öz mini-elektrobusunu təqdim edəcəkdir. Tədbirin ilk iki günü mütəxəssislər üçün nəzərdə tutulmuşdur. Noyabrın 16-da sərgi geniş ictimaiyyət üçün açıq olacaqdır.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
