QAÇAQMALÇIDAN XEYLİ SİLAH-SURSAT TUTULMUŞDUR
Dövlət Gömrük Komitəsinin mətbuat xidmətindən AZƏRTAC-a bildirmişlər ki, noyabrın 19-da Xaçmaz gömrükxanasının “Samur” postunda daha bir qaçaqmalcılıq cəhdinin qarşısı alınmışdır. Rusiya Federasiyasından Səudiyyə Ərəbistanına gedən Rusiya vətəndaşı İsa Məhəmmədoviç Əbdülmüslümovun idarə etdiyi “LAZ” markalı A 199 EA 05/RUS dövlət nömrə nişanlı avtobusda gömrük nəzarəti qaydasında yoxlama keçirilərkən, gizli saxlanc yerlərindən xeyli silah-sursat - 136 ədəd pnevmatik tüfəng, 37 ədəd pnevmatik pistolet, 35 ədəd bıcaq, 212500 ədəd qurğuşun güllə və 270600 ədəd piston aşkar edilmişdir. Faktla bağlı təhqiqat aparılır.
Bölmənin digər xəbərləri
