QADINLAR ÖLKƏ İQTİSADİYYATININ BÜTÜN SAHƏLƏRİNDƏ FƏALİYYƏT GÖSTƏRİRLƏR
AZƏRTAC xəbər verir ki, qadınları biznes fəaliyyətinə cəlb etməklə onların işgüzarlıq və intellektual potensialından səmərəli istifadə əhalinin məşğulluq səviyyəsinin yüksəldilməsi, sahibkarlığın inkişafı, yoxsulluğun aradan qaldırılması kimi mühüm məqsədlərin reallaşmasında olduqca əhəmiyyətlidir.
Bu barədə sahibkar qadınların konfransında məlumat verən iqtisadi inkişaf naziri Heydər Babayev bildirmişdir ki, hazırda qadınlar ölkə iqtisadiyyatının demək olar ki, bütün sahələrində fəaliyyət göstərirlər. 2003-cü ildə qadınlar məşğul əhalinin 47,7 faizini təşkil edirdisə, indi bu göstərici 49,5 faizədək artmışdır.
Azərbaycanda sahibkar qadınlar ərzaq məhsulları istehsalı, toxuculuq, kənd təsərrüfatı, el sənətkarlığı, eləcə də tibb, turizm, nəşriyyat, reklam-informasiya kimi xidmət sahələrində uğurla fəaliyyət göstərirlər.
Bölmənin digər xəbərləri
