QAFQAZ MÜSƏLMANLARI İDARƏSİNDƏ İCLAS KEÇİRİLMİŞDİR
Şeyxülislam hacı Allahşükür Paşazadə mübarək Ramazan ayının başlanması münasibətilə iştirakçıları və xalqımızı təbrik etmiş, Gürcüstana, Rusiyaya səfəri, din xadimləri ilə görüşləri, Müstəqil Dövlətlər Birliyi dini liderlərinin qurultayında MDB Dinlərarası Şurasının həmsədri seçilməsi barədə məlumat vermişdir.
Elmi-Dini Şuranın sədri, Azərbaycan Milli Elmlər Akademiyasının müxbir üzvü Vasim Məmmədəliyev Qafqaz Müsəlmanları İdarəsinin Şamaxı Astrofizika Rəsədxanası ilə birgə hazırladığı təqvim haqqında danışmış, burada Bakıda və respublikamızın rayonlarında günün çıxması və batmasının dəqiq vaxtının göstərildiyini bildirmişdir.
Akademiklər Ziyad Səmədzadə, Bəkir Nəbiyev, Teymur Bünyatov, Fuad Qasımzadə və başqaları insanın mənən təmizlənməsində orucluğun əhəmiyyətindən söz açmışlar.
Bölmənin digər xəbərləri
