QARA QARAYEVİN 90 İLLİK YUBİLEYİ BURSADA QEYD EDİLMİŞDİR
AZƏRTAC xəbər verir ki, aprelin 30-da və mayın 1-2-də Azərbaycan Bəstəkarlar İttifaqının Türkiyə bölümünün, Türkiyənin Bursa şəhərinin «Nülufər» bələdiyyəsinin və Uludağ Universitetinin təşkilatçılığı ilə dahi bəstəkarımız Qara Qarayevin 90 illiyinə həsr olunan konfrans-konsert keçirilmişdir.
Bursada keçirilən tədbirdə Azərbaycan Bəstəkarlar İttifaqı idarə heyətinin sədri, xalq artisti, professor Firəngiz Əlizadə, ölkəmizin İstanbuldakı konsulluğunun mədəniyyət məsələləri üzrə müşaviri Günay Əfəndiyeva, ittifaqın Türkiyə bölümünün sədri, Uludağ Universitetinin professoru Həsən Adıgözəlzadə, Atatürk Universitetinin professoru Babək Qurbanov, Ege Universitetinin professoru Əhməd Yürür, Bilkənd Universitetinin professoru, xalq artisti Sərvər Qəniyev və dirijor Yalçın Adıgözəlov bəstəkarın həyat və yaradıcılığından bəhs edən məruzələrlə çıxış etmişlər. Konfrans-konsertdə Ulduz Aslanovanın, Sərkan Nihat Atəşin, Arif Manaflının ifasında dahi bəstəkarın əsərləri səsləndirilmişdir.
Əməkdar incəsənət xadimi, dirijor Yalçın Adıgözəlovun idarə etdiyi Bursa Dövlət Simfonik Orkestri bəstəkarın «Leyli və Məcnun» simfonik-poemasından, «İldırımlı yollarla» baletindən parçalar, həmçinin romanslarını ifa etmişdir.
######
Bölmənin digər xəbərləri
