Qaradağ rayonunda şəhid Tofiq Kərimovun xatirəsi anılıb
Bakı, 11 noyabr, AZƏRTAC
Vətən müharibəsində şəhid olmuş Azərbaycan Silahlı Qüvvələrinin hərbi qulluqçusu Tofiq Kərimovun Qaradağ rayonunun Lökbatan qəsəbəsindəki Şəhidlər xiyabanında anım mərasimi keçirilib.
AZƏRTAC xəbər verir ki, tədbirdə Yeni Azərbaycan Partiyası (YAP) Qaradağ rayon təşkilatının, Qaradağ Rayon İcra Hakimiyyətinin rəhbər şəxsləri, şəhidin ailə üzvləri, qazilər və rayon ictimaiyyətinin nümayəndələri iştirak ediblər.
Tədbirdə şəhidlərin əziz xatirəsi bir dəqiqəlik sükutla yad edilib. Daha sonra şəhid ailələrinin üzvləri çıxış edərək Tofiq Kərimovla bağlı xatirələrini bölüşüb, onun şərəfli həyat və döyüş yolundan söz açıblar.
Çıxış edənlər şəhid ailələrinə və qazilərə göstərilən qayğıya görə ölkə rəhbərliyinə minnətdarlıqlarını bildiriblər.
Bölmənin digər xəbərləri
