“Qardaş qələmlər” jurnalı Azərbaycanın sədrliyi dövründə Türk Şurasının tarixi missiyasından yazır
Ankara, 8 may, AZƏRTAC
Türkiyədə nəşr olunan “Qardaş qələmlər” jurnalında yeni növ koronavirus (COVID-19) infeksiyasına qarşı mübarizdə türk dünyasının apardığı birgə mübarizənin uğurlu nəticələrindən bəhs olunur.
AZƏRTAC xəbər verir ki, “Koronavirus dalanından çıxışda türk dünyası” sərlövhəli məqalənin müəllifi Avrasiya Yazıçılar Birliyinin sədri, yazıçı-publisist Yaqub Öməroğludur.
Keçmir sovetləri birliyinin süqutu əsasında dövlət müstəqilliyini bərpa edən türkdilli ölkələrin keçdiyi inkişaf yoluna nəzər salan müəllif Türkdilli Dövlətlərin Əməkdaşlıq Şurası (Türk Şurası) çərçivəsində görülən işlər barədə oxuculara ətraflı məlumat verir. Prezident İlham Əliyevin təşəbbüsü ilə aprelin 10-da Türkdilli Dövlətlərin Əməkdaşlıq Şurasının (Türk Şurası) videokonfrans vasitəsilə keçirilən fövqəladə Zirvə görüşü və onun nəticələrinə nəzər yetirən Y. Öməroğlu yazır ki, Türk Şurasının bu tədbiri Ümumdünya Səhiyyə Təşkilatının Baş direktoru Tedros Adhanom Qebreyesus iştirakı ilə məlum virusa qarşı keçirilən ilk beynəlxalq konfrans kimi tarixə düşüb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
