QAX ŞƏHƏRİ SİMASINI DƏYİŞİR
AZƏRTAC xəbər verir ki, Qax şəhərinin küçə, meydan və parklarında genişmiqyaslı tikinti-quruculuq və abadlıq işləri aparılır.
Hazırda şəhərin müasir memarlıq üslublu giriş qapısı inşa edilir. Ərazidən keçən suvarma kanalı əsaslı şəkildə bərpa olunmuş, yolun genişləndirilməsi məqsədi ilə buraya 47 min kubmetr həcmində çınqıl döşənmişdir. Bundan əlavə, şəhərin mərkəzi küçələrində səkilər, kanalizasiya xətləri əsaslı təmir olunur, küçə boyu divarlar çay daşı və bişmiş kərpicdən yenidən çəkilir.
Ümummilli liderimiz Heydər Əliyevin adını daşıyan küçə və parkda, Veteranlar bağında, Nizami parkında, Şəhidlər xiyabanında da geniş abadlıq, quruculuq və yaşıllaşdırma işlərinə başlanılmışdır. Qısa müddətdə 62 min ədəd müxtəlif növ ağac, bəzək kolu və gül əkilmişdir. Şəhərin mərkəzində Heydər Əliyev muzeyinin tikintisi də başa çatmaq üzrədir.
Yeni idman kompleksinin, beşmərtəbəli yaşayış binasının, “Gənclik” massivində 40 nəfərin çalışacağı tikiş sexinin, Qax-İlisu yolunda hotelin və digər obyektlərin tikintisi də sürətlə davam etdirilir.
Bölmənin digər xəbərləri
