QAXDA ÇIXAN “ŞƏLALƏ” QƏZETİ REDAKSİYASINA YENİ AVADANLIQ VERİLMİŞDİR
Qax, 30 oktyabr (AZƏRTAC). Qax rayonunun ictimai-siyasi qəzeti olan “Şəlalə” qəzetinun keyfiyyətli buraxılmasını təmin etmək, habelə əməkdaşların iş şəraitini yaxşılaşdırmaq məqsədi ilə rayon icra hakimiyyətinin köməyi ilə qəzetin redaksiyasına bir neçə kompyuter dəsti və digər texniki avadanlıq alınmışdır. İndi rayon qəzeti redaksiyanın özündə, kompyuter otağında yığılır. Əvvəllər isə bu iş üçün Mingəçevir Poliqrafiya Müəssisəsinə müraciət olunurdu. Redaksiyanın müasir texniki vasitələrlə təmin edilməsi qəzetin xərclərinin müəyyən qədər azalmasına, vaxt itkisinin qarşısının alınmasına, habelə qəzetin keyfiyyətli nəşr olunmasına şərait yaratmışdır.
Bundan əlavə, rayon icra hakimiyyəti qəzet redaksiyasını minik avtomobili ilə də təmin etmişdir. Xatırladaq ki, hazırda “Şəlalə” qəzeti 1.240 nüsxə tirajla nəşr olunur.
Bölmənin digər xəbərləri
