QAZAX TELEKOMMUNİKASİYA QOVŞAĞININ KOLLEKTİVİ ÜÇ AYI UĞURLA BAŞA VURMUŞDUR
Qazax Rayon Telekomunikasiya Qovşağından AZƏRTAC-a bildirmişlər ki, kollektiv cari ilin üç ayını uğurla başa vurmuşdur.
Bu müddətdə 235 min manat tarif gəliri proqnozuna qarşı 237 min 677 manat vəsait əldə edilərək tapşırığa 101,1 faiz əməl olunmuşdur. Əhalidən gələn gəlir proqnozu isə 127,5 faiz yerinə yetirilmişdir.
Üç ayda Çaylı, Daş Salahlı və Kosalar kənd avtomat telefon stansiyalarının mərkəzi elektron tipli avtomat telefon stansiyası ilə əlaqəsini fiber-optik kabellə həyata keçirmək məqsədi ilə tikinti işlərinə başlanmış və artıq 8 min metr məsafədə kabel çəkilmişdir. Bu da görüləcək işin 60 faizini təşkil edir. Bundan əlavə, Bala Cəfərli, Məzəm və Quşçu Ayrım kəndlərində mini avtomat telefon stansiyalarının quraşdırılması üçün hazırlıq işləri başa çatdırılmışdır.
Bölmənin digər xəbərləri
