Qazaxıstan BRICS-in tərəfdaş ölkəsi olacaq
Astana, 24 dekabr, AZƏRTAC
Qazaxıstan 2025-ci il yanvarın 1-dən rəsmən BRICS-in tərəfdaşı olacaq.
AZƏRTAC Qazaxıstan mətbuatına istinadla xəbər verir ki, bu barədə Qazaxıstan Respublikası Xarici İşlər Nazirliyinin rəsmi nümayəndəsi Aybek Smadiyarov məlumat verib.
Bundan əvvəl Rusiya Prezidentinin beynəlxalq məsələlər üzrə köməkçisi Yuri Uşakov 9 ölkənin BRICS dövlətlərarası birliyinin tərəfdaşı olmağa hazır olduğunu açıqlamışdı. Onların arasında Belarus, Qazaxıstan, Özbəkistan, Boliviya, İndoneziya, Kuba, Malayziya, Tailand və Uqanda var.
BRICS doqquz ölkənin - Rusiya, Hindistan, Çin, Cənubi Afrika, Braziliya, Birləşmiş Ərəb Əmirlikləri, İran, Misir və Efiopiyanın daxil olduğu beynəlxalq birlikdir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
