QAZAXISTANDA XARİCİ PASPORTLAR YENİ QAYDALAR ÜZRƏ VERİLƏCƏK
Qazaxıstan vətəndaşlarının Rusiya, Belarus, Azərbaycan, Tagikistan, Qırğızıstan, Ermənistan və Gürcüstana səfərləri zamanı tələb olunan şəxsiyyət vəsiqələri gələn il yanvarın 1-dən yalnız Qazaxıstan ərazisində etibarlı sayılacaq. Sərhədi keçmək üçün 5 növ Qazaxıstan sənədindən biri: milli, xidməti və ya diplomatik pasport, Qazaxistan vətəndaşının vətənə qayıtması haqqında şəhadətnamə və ya dənizçi pasportu tələb olunacaq. Eyni qaydalar MDB vətəndaşlarına da aiddir. Valideyinlər övladlarını xaricə aparmaq üçün ya onların şəkillərini öz pasportlarına yapışdırmalı, ya da uşaqları üçün ayrıca milli pasport almalıdırlar. 2005-ci il yanvarın 1-dən MDB ölkələrinə gedərkən doğum haqqında şəhadatnamə etibarsız sayılacaq.
Bölmənin digər xəbərləri
