QƏHVƏ QARACİYƏR SİRROZUNUN QARŞISINI ALIR
Alimlər 125 min könüllünün iştirakı ilə keçirilən uzunmüddətli tədqiqatlar nəticəsində müəyyənləşdirmişlər ki, hətta gündəlik standart bir fincan qəhvə alkoqola qurşanan adamlarda sirrozun yaranma təhlükəsini 20 faizədək azaltmağa qadirdir.
Qəhvənin sayını dörd fincana çatdıranda isə bu göstərici 80 faizə çatır. Bu fenomenin səbəbi qəhvənin tərkibindəki kimyəvi maddələrdir, onlar qaraciyər sirrozunu törədən xüsusi enzimləri azaldır. Mütəxəssislərin fikrincə, çayın belə antisirroz xüsusiyyətləri yoxdur.
Tədqiqatın rəhbəri professor Artur Klatski demişdir: “Biz insanları nə qəhvə içməyə, nə də onları bu yolla alkoqolizmin nəticələri ilə mübarizə aparmağa çağırırıq. Biz, sadəcə, tədqiqatın nəticələri barədə məlumat veririk. Nəticələr isə qaraciyər sirrozunun qarşısını almaq üçün yeni dərmanların hazırlanmasına yol açır.
Bölmənin digər xəbərləri
