Qərb dövlətləri ilə “Nüvə razılaşması”na baxmayaraq, İran istədiyi miqdarda uranı zənginləşdirəcək
Tehran, 4 iyul, AZƏRTAC
Qərb dövlətləri ilə “Nüvə razılaşması”na baxmayaraq, İran istədiyi miqdarda uranı zənginləşdirəcək.
AZƏRTAC xəbər verir ki, bu sözləri İran Prezidenti Həsən Ruhani İRİB televiziyasına müsahibəsində deyib. O bildirib ki, razılaşmanın 2015-ci ildə əldə edilməsinə baxmayaraq, Avropa dövlətləri ticari və iqtisadi əlaqələrin qurulması, maliyyə əməliyyatlarının aparılması üçün heç bir iş görməyib. Avropa ölkələri ABŞ dan çəkinirlər və buna görə də razılaşmaya əməl etmirlər. ABŞ isə bütün beynəlxalq qanunları pozaraq “Nüvə razılaşması”ndan birtərəfli qaydada çıxdı. Prezidentin sözlərinə görə, rəsmi Tehran uranı lazım olan miqdarda zənginləşdirəcək və heç kimdən icazə almayacaq.
Mütəxəssislər bildiriblər ki, uranın 3,67 faiz zənginləşdirilməsi elektrik enerjisinin yaranmasına, 90 faiz zənginləşdirilməsi isə bombanın yaranmasına səbəb olur.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
