“QHT-lərin idarəetmə akademiyası” layihəsi yekunlaşmışdır
Bakı, 13 noyabr (AZƏRTAC). Azərbaycan Respublikası Gənclər Təşkilatları Milli Şurasının (ARGTMŞ) “QHT-lərin idarəetmə akademiyası” layihəsi çərçivəsində keçirilən təlimlər başa çatmışdır.
ARGTMŞ-nin mətbuat xidmətindən AZƏRTAC-a bildirmişlər ki, “Zəka” Gənclərin İntellektual İnkişaf və Yaradıcılıq Mərkəzi ilə birlikdə Şəmkirdə keçirilmiş sonuncu təlimlərdə “Effektiv kommunikasiya”, “Komanda quruculuğu” və “Gənclər təşkilatlarının yaradılma və idarəedilmə mexanizmləri” mövzularında müzakirələr aparılmışdır.
Layihənin payız proqramı çərçivəsində keçirilən təlimlərdə gənclər təşkilatlarının rəhbər və işçi heyətinin 30 nümayəndəsi iştirak etmişdir. Təlim iştirakçıları Şəmkir Rayon İcra Hakimiyyətinin başçısı Nazim Veysovla da görüşmüşlər.
Sonda təlim iştirakçıları şəhadətnamə ilə təltif olunmuşlar.
Bölmənin digər xəbərləri
