Qubada 16 santimetr qar, mənfi 15 dərəcə şaxta qeydə alınıb
Quba, 17 fevral, Elxan Yusifli, AZƏRTAC
Azərbaycanın şimal bölgəsində ən çox qar Qubanın Xaltan kəndinə yağıb. Burada qarın hündürlüyü 16 santimetrə çatır. Qubanın rayon mərkəzində isə 2 santimetr qar var.
Qubada yerləşən Şimal-Şərq Regional Hidrometeorologiya Mərkəzindən AZƏRTAC-ın bölgə müxbirinə bildirilib ki, şimal rayonlarında ən aşağı temperatur (-15 dərəcə) Qubanın Qırız kəndində qeydə alınıb. Qırız və Xınalıq kəndlərində 12 santimetr qar var.
Qusarın rayon mərkəzində 1, Ləzədə 12, Xızı rayonunun Altıağac qəsəbəsində 13 santimetr hündürlüyündə qar qeydə alınıb.
Bölmənin digər xəbərləri
