QUBADA MODUL TİPLİ ELEKTRİK STANSİYANIN İNŞASINA BAŞLANMIŞDIR
AZƏRTAC xəbər verir ki, Quba rayonunda modul tipli elektrik stansiyasının tikintisinə başlanılmışdır.
“Azərenerji” ASC-dən bildirmişlər ki, artıq stansiyanın özülünün inşası aparılır, onun yerləşəcəyi ərazidə lazım olan infrastruktur formalaşdırılır. Stansiyanın cari ildə istifadəyə verilməsi planlaşdırılır.
104 MVt gücə malik olacaq stansiyanın şimal rayonlarının enerji təminatında mühüm rol oynayacağı, həmçinin Qusar rayonunun ərazisində inşa edilən Qış İdman Turizm Kompleksini elektrik enerjisi ilə təmin edəcəyi bildirilir. Bu məqsədlə ərazidə 2 ədəd 110 KV-luq elektrik verilişi xəttinin çəkilməsi də nəzərdə tutulmuşdur. Stansiyada Finlandiyanın “Vartsila” şirkətinin avadanlığından istifadə olunacaqdır. Onun bir hissəsi artıq əraziyə gətirilmişdir.
Bölmənin digər xəbərləri
