QUŞ QRİPİNƏ QARŞI PROFİLAKTİK TƏDBİRLƏR GÖRÜLÜR

18.01.2006 [12:59]
Çap et
A⁺ A^-

AZƏRTAC xəbər verir ki, Gəncə Şəhər İcra Hakimiyyətində quş qripinə qarşı mübarizə tədbirlərinin gücləndirilməsinə həsr olunmuş müşavirə keçirilmişdir. Müşavirədə şəhər baytarlıq idarəsinin rəisi Hüseyn Abbasovun bu məsələ ilə bağlı görülən işlər barədə məlumatı dinlənilmişdir.

Bildirilmişdir ki, hazırda şəhərdə quş ətinin pərakəndə satışı üzərində ciddi nəzarət qoyulmuş, ticarət obyektlərində ancaq baytar müayinəsindən keçirilərək, qablaşdırılmış quş ətinin satışına icazə verilmişdir. Mənşəyi məlum olmayan quş ətinin satışına qadağa qoyulmuşdur.

Müşavirədə görülən işlərə nəzarət etmək məqsədi ilə 16 nəfərdən ibarət komissiya yaradılmışdır. Komissiya həyata keçirilən profilaktik tədbirlər barədə həftədə bir dəfə məlumat verəcəkdir.

QUŞ QRİPİNƏ QARŞI PROFİLAKTİK TƏDBİRLƏR GÖRÜLÜR

MÜƏLLİFLƏ ƏLAQƏ