“Rabitəbank”ın mənfəəti 30 faiz artıb
2020-ci ilin birinci rübünün göstəricilərinə əsasən, “Rabitəbank” 1,1 milyon manat mənfəət əldə edib. Bankın kredit portfeli keçən ilin analoji dövrü ilə müqaisədə 9,6 faiz, yəni 54 milyon manat artaraq 388 milyon manat olub. Rübün sonuna bankın aktivləri 709 milyon manat təşkil edib, balans kapitalı isə keçən ilin analoji dövrü ilə müqayisədə 4 faiz, yəni 3,8 milyon manat artaraq 97 milyon manata çatıb. Bankın əməliyyat mənfəəti sözükeçən dövr ərzində 2019-cu ilin analoji dövrü ilə müqayisədə 30 faizə qədər artaraq 4,25 milyon manat təşkil edib.
Bankın faiz gəlirləri sözükeçən dövr ərzində 14 faiz, yəni 1,4 milyon manat artaraq 11,3 mln manata çatıb. Bankın bu dövr ərzində qeyri-faiz gəlirləri 54 faiz yəni, 1,4 milyon manat artıraraq 4 milyon manata çatıb.
Bankın verilən istehlak kreditlərin həcmi də 2019-cu ilin analoji dövrü ilə müqayisədə 17 milyon manat artaraq 47 milyon manat olub. Bank 2020-ci ilin ilk rübü ərzində 24 milyon manat məbləğində biznes krediti verərək ümumi biznes kredit portfelini 242 milyon manata çatdırıb. Fərdi sahibkarlar o cümlədən fikizi və hüquqi şəxslərə maliyyə xidmətlərinin əlçatanlığını artırmaq üçün “Rabitəbank” Dünya Bankı, Kənd Təsərrüfatı Nazirliyi yanında Aqrar Kredit və İnkişaf Agentliyi (AKİA), İpoteka və Kredit Zəmanət Fondunun xətti ilə aktiv şəkildə biznes kreditlərinin verilməsini davam etdirir.
“Rabitəbank”da sürətli pulköçürmələr dövriyyəsi analoji dövr ərzində 10 faiz yəni 4 milyon manat artaraq 43 milyon manata çatıb. Sürətli pulköçürmə sayı isə 4,5 faiz, yəni 3 min ədəd artaraq 68 min köçürməyə çatıb.
Bankın aktiv kart sayı 2019-cu ilin analoji dövrü ilə müqayisədə 40 faiz yəni, 25 min ədəd artaraq 87 min ədəd olub. 2019-cu ilin dekabr ayında tam yenilənmiş “Kartmane” kartlarını təqdim edən “Rabitəbank” bu kartlarla müştərilərə bir sıra xüsusi imtiyazlar və ölkənin bank bazarında ilk dəfə olaraq bir ədəd kart vasitəsilə 3 növ “cashback” imkanını təqdim edir. Belə ki, daha əvvəl təqdim edilən dünyanın istənilən ölkəsində YDM xərcləmələrinə 10 faiz və restoran xərcləmələrinə 5 faiz “cashback” təklifi ilə yanaşı, bank “bütün ödənişlərə 2 faiz” və “supermarketlərə 5 faiz” “cashback” tiplərini təqdim edib. 2019-cu ilin dekabrından bu ilin martınadək “Kartmane” kartı sahiblərinə 50 min AZN-dan çox “cashback” qazandırıb. Müştərilərə təklif etdiyi üstünlüklərə görə “Kartmane” kartı 2020-ci ilin fevral ayında “Azeri Business Awards” tərəfindən “İlin innovativ bank məhsulu” nominasiyası üzrə qalib olub.
Müştərilərə təklif etdiyi rəqəmsal bank xidmətlərinin sayını durmadan artıran “Rabitəbank”ın 2019-cu ildə istifadə verdiyi mobil tətbiqi də sürətlə böyüməyə davam edir. Hazırda 25 mindən çox aktiv istifadəçisi olan “Rabitabank Mobil” tətbiqi vasitəsilə müştərilər banka gəlmədən maliyyə xidmətlərindən faydalanırlar. “Rabitəbank” rahat bankçılıq şüarına sadiq qalaraq mobil tətbiq vasitəsilə müştərilərə verdiyi xidmətlərin çeşidliyinin, sürətinin və istifadə rahatlığının artırılması istiqamətində əməli addımlar atır.
Bölmənin digər xəbərləri
