“Red Bull”da Daniil Kvyatın irəliləyişini qeyd ediblər
Bakı, 30 sentyabr, AZƏRTAC
“Red Bull” komandasının yürüş məsləhətçisi Helmut Marko Formula 1 çempionatının 2019-cu il mövsümündə “Toro Rosso”nun idman şərəfini qoruyan Daniil Kvyatın çıxışını şərh edib.
AZƏRTAC xəbər verir ki, TASS agentliyi Helmut Markonun bu sözlərini sitat gətirir: “Kvyat yaxşı mövsüm keçirir, o, qaydasındadır. Əfsuslar olsun ki, texniki cəhətdən onun bəxti gətirmir. Lakin o, bu il ondan gözlədiklərimizi nümayiş etdirir. Biz onun nəyə qadir olduğunu yaxşı bilirik.
O, böyüyüb, daha həddən artıq emosional deyil. Beləliklə, onun irəliləcəyinə heç bir şübhə yoxdur”.
Marko daha əvvəl bildirmişdi ki, Kvyatı 2020-ci il mövsümü üçün “Red Bull”a dəvət etməyəcəklər. Lakin bu barədə hələ rəsmi şəkildə elan olunmayıb. Maks Ferstappenin gələn mövsümdə komanda yoldaşı Pyer Qasli-Aleksander Albon cütlüyündən biri olacaq.
“Gələn mövsüm üçün qarşımızda duran vəzifə Konstruktorlar Kubokunu qaytarmaqdır. Bu səbəbdən biz ikinci güclü pilot axtarışındayıq”, - deyə Marko əlavə edib.
Rusiya Qran-Prisində Kvyat finişə 12-ci çatıb. Şəxsi hesabda 33 xala malik olan pilot 12-ci yerdə qərarlaşıb.
Bölmənin digər xəbərləri
