MƏDƏNİYYƏT
Respublika Uşaq Kitabxanası “Qonağım ol” rubrikasını davam etdirir
![Respublika Uşaq Kitabxanası “Qonağım ol” rubrikasını davam etdirir](/files/2021/2/1200x630/16255837221234923173_1200x630.jpg)
Bakı, 6 iyul, AZƏRTAC
F.Köçərli adına Respublika Uşaq Kitabxanasının həyata keçirdiyi tədbirlər çərçivəsində “Qonağım ol” rubrikasının növbəti qonağı yazıçı-ssenarist Günel Əsgərova olacaq.
AZƏRTAC xəbər verir ki, layihədə məqsəd oxucu və müəlliflər arasında virtual görüşlərin keçirilməsini təmin etmək, yazıçının yeni kitablarını oxuculara tanıdılmasına şərait yaratmaqla uşaqların intellektual səviyyəsinin inkişafında kitabxanaların rolunu qeyd etməkdir. Günel Əsgərova “Xanın üç qızı” adlı Azərbaycan və rus dillərində nəşr olunmuş nağıl kitabının müəllifidir.
Yazıçı “Xanın üç qızı” nağılını doğma vətəni Azərbaycana, onun səfalı, gözəl guşələrindən olan Qarabağa həsr edib.
Qeyd edək ki, onlayn görüş iyulun 9-da kitabxananın instaqram sosial şəbəkəsi üzərindən reallaşacaq.