Riqadan çarter reysi ilə 52 vətəndaşımız Azərbaycana yola salınıb
Riqa, 11 may, AZƏRTAC
Latviyanın "AirBaltic" aviaşirkətinin çarter reysi ilə 52 nəfər soydaşımız Riqadan Bakıya yola salınıb.
AZƏRTAC xəbər verir ki, pandemiya səbəbindən Azərbaycana qayıda bilməyən 43 nəfər Litvanın Klaypeda, Kaunas, Akmene, Utyana və Vilnüs şəhərlərindən, digər 9 nəfər isə Latviyanın müxtəlif şəhərlərindən Riqa Beynəlxalq Hava Limanına gəliblər. Çarter reysi ilə biri azyaşlı olmaqla, 52 vətəndaşımız ölkəmizə yola salınıb.
Bütün sərnişinlərin Azərbaycanda karantinə yerləşdiriləcəyi bildirilir.
Qeyd edək ki, soydaşlarımızın təxliyəsində ölkəmizin Latviya və Litvadakı səfirlikləri öz fəaliyyətlərini əlaqələndiriblər. Bu günədək çarter reysi ilə ümumilikdə Latviyadan 29, Litvadan 79 Azərbaycan vətəndaşı təxliyə edilib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
