Roma Papası bütün zəhmətkeşlər üçün dua edib
Bakı, 1 may, AZƏRTAC
Papa Fransisk Roma-katolik kilsəsinin əməksevər müqəddəs İosif gününü qeyd etdiyi mayın 1-də bütün zəhmətkeşlər üçün dua edib.
AZƏRTAC bu barədə Müqəddəs taxtın Vatican News portalına istinadla xəbər verir.
“Bu gün əməksevər müqəddəs İosif günüdür. Dua edək ki, hamının işi olsun, ədalətli əməkhaqqı verilsin, hər kəs iş ləyaqətinə və istirahət zövqünə sahib olsun”, - deyə pontifik Vatikanda yerləşən Müqəddəs Marfa evindən online yayımlanan səhər xütbəsi zamanı dua edib.
Qeyd edək ki, bütün zəhmətkeşlərin hamisi sayılan müqəddəs İosif bayramı 1955-ci ildə Roma Papası XII Piy tərəfindən təsis edilib. Müqəddəs İosif xristianlar üçün səbir və əməksevərlik obrazıdır.
Bölmənin digər xəbərləri
