ROMA PAPASI KİV-LƏRİ İTTİHAM ETMİŞDİR
AZƏRTAC xəbər verir ki, Roma papası XVI Benedikt ölkədə qadın və uşaq fahişəliyindən narahatlıq hissi ilə Tailandın yepiskoplarına müraciət etmişdir. Pontifik qlobal əxlaq pozğunluğu üçün təqsiri, xüsusən, kütləvi informasiya vasitələrinin və əyləncə sənayesinin üzərinə qoymuşdur.
Papa Benedikt demişdir: “Şübhəsiz, bu kədərli halın əsasında yoxsulluq durur. Lakin problemin daha bir tərəfi vardır ki, onu yaddan çıxarmaq olmaz. Mən onu nəzərdə tuturam ki, seksuallıq kütləvi informasiya vasitələrində və əyləncə sənayesində adi hala çevrilib, bu isə əxlaqi dəyərlərin cılızlaşmasına səbəb olur”. Onun dediyinə görə, mediada seksin təbliği “qadınların düşkünləşməsinə, ailədə xəyanətə və hətta uşaqların işgəncəyə məruz qalmalarına gətirib çıxarır”.
Bölmənin digər xəbərləri
