Rumıniyanın “Nine O’clock” qəzetində “Xocalı-Azərbaycana qarşı insanlıq cinayəti” sərlövhəli məqalə dərc olunmuşdur
Bakı, 26 fevral (AZƏRTAC). Rumıniyanın ingilis dilində nəşr olunan “Nine O’clock” qəzetində Azərbaycanın bu ölkədəki səfirliyinin təşəbbüsü ilə “Xocalı-Azərbaycana qarşı insanlıq cinayəti” sərlövhəli məqalə dərc edilmişdir.
Səfirlikdən AZƏRTAC-a bildirmişlər ki, məqalədə Azərbaycan xalqının tarix boyu erməni millətçiləri tərəfindən davamlı olaraq etnik təmizləmə, soyqırımı siyasətinə məruz qalmasından, öz tarixi torpaqlarından qovularaq qaçqın və məcburi köçkünə çevrilməsindən bəhs olunmuşdur.
Bildirilmişdir ki, XX əsrin ən dəhşətli hadisələrindən biri olan Xocalı soyqırımına dünya miqyasında hələ də lazımi hüquqi qiymət verilməmişdir. Vurğulanmışdır ki, bu gün xarici ölkələrdəki diasporunun köləsinə çevrilmiş Ermənistan dövləti Xocalıda günahsız insanlara qarşı törətdiyi qırğını ört-basır edə bilməz, çünki bu soyqırımını törədənlər öz qanlı əməllərini müxtəlif dövrlərdə davamlı şəkildə, “qürurla” və utanmazcasına ictimaiyyət qarşısında etiraf etmişlər.
Məqalənin tam mətnini http://www.nineoclock.ro/khojaly-a-human-tragedy-against-azerbaijan/ linkindən oxumaq olar.
Bölmənin digər xəbərləri
