RUSİYA ABŞ İLƏ NÜVƏ BƏRABƏRLİYİNİ BƏRPA EDƏ BİLƏCƏKMİ?
“Bulava” və “Topol” tipli raketləri işləyib hazırlayan Moskva İstilik Texnikası İnstitutunun direktoru və baş konstruktoru Yuri Solomonov bildirmişdir ki, strateji silahların məhdudlaşdırılması haqqında Rusiya ilə ABŞ arasında bağlanmış razılaşmalara əsasən, 2012-ci ilin sonunadək tərəflərin hərəsində 1700-dən 2200-dək nüvə döyüş atımı olmalıdır. 2011-ci ilədək Rusiyanın strateji qüvvələri azı 2000 nüvə döyüş atımı alacaqlar.
Qəzetin məlumatına görə, səyyar yerüstü “Topol” komplekslərinin yeni “Topol-M” kompleksləri ilə əvəz edilməsi 1500 nüvə döyüş atımına malik olmağa imkan verəcəkdir. “Topol-M” və dəniz bazalı “Bulava” komplekslərinin təchizatının unifikasiyası sayəsində nüvə döyüş atımlarının sayı iki minə çatdırılacaqdır.
Xatırladaq ki, Amerikanın “Forin Əffeəs” (“Xarici işlər”) jurnalında martın 22-də verilmiş məqalədə bildirilirdi ki, son yarım əsrdə ABŞ cavab zərbəsi almadan, Rusiyanı nüvə zərbəsi ilə məhv etmək imkanı qazanmışdır. Aprelin 5-də “Vaşinqton Profil” qəzetində dərc edilmiş məqalədə isə deyilirdi ki, ABŞ nüvə döyüş atımlarının sayına görə Rusiyanı 1500 vahid üstələyir.
Bölmənin digər xəbərləri
