Rusiya Prezidenti canlı yayımda ölkə vətəndaşlarının suallarını cavablandıracaq
Moskva, 20 iyun, AZƏRTAC
Rusiya Prezidenti Vladimir Putin bu gün canlı yayımda ölkə vətəndaşlarının suallarını cavablandıracaq.
AZƏRTAC xəbər verir ki, Rusiya Prezidenti Vladimir Putin artıq 17-ci dəfə canlı yayımda ölkə vətəndaşlarının suallarına birbaşa efirdə cavab verəcək. Moskva vaxtı ilə 12:00-da başlayacaq “Vladimir Putin ilə canlı yayım” proqramını Rusiyanın Birinci kanalı, “Rossiya-1”, “Rossiya-24”, “NTV”, “ORT”, “Mir” telekanalları, “Mayak”, “Vesti FM” və “Radio Rossii” radiostansiyaları yayımlayacaq.
Bu gün saat 10:00-a olan məlumata görə, ölkə başçısına 1,5 milyondan çox müraciət daxil olub. Suallar iyunun 9-dan başlayaraq canlı yayım bitənədək qəbul edilir. Müraciətləri SMS və ya MMS-lə, “Moskva-Putin” mobil əlavəsi, yaxud “moskva-putinu.ru” saytı vasitəsilə göndərmək olar.
Prezident Vladimir Putin ilk canlı yayımı 2001-ci ildə keçirib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
