Rusiya Qran-prisinin Soçidən Sankt-Peterburqa keçirilməsi barədə məlumatı Kremldə şərh ediblər
Bakı 26 sentyabr, AZƏRTAC
Rusiya Federasiyasının Prezidenti Vladimir Putinin mətbuat katibi Dmitri Peskov Formula 1 yarışlarının Rusiya Qran-prisi mərhələsinin Soçidən Sankt-Peterburqa keçirilməsi məsələsini şərh edib.
AZƏRTAC www.championat.com saytına istinadla xəbər verir ki, bir qədər əvvəl yayılmış məlumata görə, Putin Formula 1 yarışlarının Rusiya Qran-prisi mərhələsinin Soçidən Sankt-Peterburq ətrafındakı yeni avtodroma keçirilməsi ideyasını dəstəkləyib.
“R-sport” Dmitri Peskovun bu sözlərini sitat gətirib: “Bu məsələ gündəlikdə deyil”.
Soçidə Rusiya Qran-prisi Formula1 yarışlarının təqvimində 2014-cü il mövsümündə yaranıb. Bu yarışların keçmiş rəhbəri Berni Ekklstoun hələ Soçi ilə müqavilə bağlanana qədər Rusiya mərhələsinin Sankt-Peterburqda keçirilməsinin mümkün olub-olmaması ilə maraqlanırdı.
Bölmənin digər xəbərləri
