RUSİYA REGİONLARINDA BİR MİLYARD LİTR GÜRCÜSTAN VƏ MOLDOVA ŞƏRABI SATIŞDAN ÇIXARILMIŞDIR
Omsk vilayətində 137,5 min litr şərabın satışı dayandırılmışdır. Laboratoriya tədqiqatları şərab nümunələrində heptaxlor (insektisid), DDT (dixlordifeniltrixlormetilmetan) və heksaxlorsiklogeksan aşkara çıxarmışdır. Krasnodar diyarında 40 min litr şərab mağazalardan yığışdırılmışdır. Belə ki, Moldova şərabında qurğuşun, pestisidlər və DDT, Gürcüstanın “Xvançkara” şərabında isə qurğuşunun yol verilən həddən 2,6 dəfə artıq olduğu müəyyən edilmişdir.
Altay Respublikasında yoxlama göstərmişdir ki, satışdan götürülən şərabların tərkibində üzvi xlor pestisidləri yol verilən həddən 10-12 dəfə artıqdır. Bu zəhərli maddələr “İzabella”, “Kaberna” və “Dikaya loşad” şərablarında aşkarlanmışdır.
Rusiyanın digər regionlarında da keyfiyyət və təhlükəsizlik tələblərinə cavab verməyən Gürcüstan və Moldova şərabları, konyakları və köpüklənən şərabları satışdan yığışdırılır.
Kişinyov və Tbilisi “şərab məsələsi”nin tezliklə həlli üçün ciddi səylər göstərirlər. Çünki hər iki ölkənin milli iqtisadiyyatları olduqca böyük məbləğdə zərər çəkir.
Bölmənin digər xəbərləri
