Rusiyada yeniyetmələr arasında boks üzrə Avropa birinciliyi davam edir
Bakı, 13 noyabr (AZƏRTAC). Rusiyanın Anapa şəhərində yeniyetmələr arasında boks üzrə Avropa birinciliyi davam edir.
AZƏRTAC xəbər verir ki, Azərbaycan milli komandasının yeddi üzvü 1/4 finala vəsiqə qazanmışdır.
Yarışda 70 kiloqram çəki dərəcəsində mübarizə aparan Hüseyn Tarverdili italiyalı Covanni Sarçiottonu məğlub etmişdir. Həmyerlimiz növbəti mərhələdə fransalı Kristof Fataki Bobozo ilə görüşəcəkdir.
Şükran Mehdiyev (80 kq-dan yuxarı) ¼ finala yüksələnlər arasındadır. Boksçumuz Rumıniya təmsilçisi Nikola Birneta üzərində qələbə qazanmışdır. Ş.Mehdiyevin növbəti rəqibi bolqarıstanlı Angel Angelov olacaqdır.
Şamil İbrahimzadə (60 kq) və Turan Həsənli (66 kq) isə uduzaraq mübarizəni dayandırmışlar.
Bölmənin digər xəbərləri
