RUSİYANIN SENEQALDAKI SƏFİRLİYİ QARŞISINDA İRQÇİLİK ƏLEYHİNƏ MİTİNQ KEÇİRİLMİŞDİR
AZƏRTAC “Exo Moskvı” radiostansiyasına istinadla xəbər verir ki, Seneqalın paytaxtı Dakarda Rusiya səfirliyi qarşısında mitinq keçirilmişdir. Mitinqçilər bu yaxınlarda Sankt-Peterburqda seneqallı tələbənin qətlə yetirilməsinə etirazlarını bildirmişlər. Aksiya iştirakçıları qatilin tapılaraq cəzalandırılmasını, habelə Rusiyada təhsil alan afrikalı tələbələrin müdafiəsi üçün tədbirlər görülməsini tələb etmişlər.
Rabitə İnstitutunun beşinci kurs tələbəsi Lanzar Amba aprelin 7-də qətlə yetirilmişdir. Hadisə yerinin yaxınlığında tapılan tüfəngin qundağında svastika çəkilmiş, çaxmağında isə “skinhed” və “zənciləri öldür” sözləri yazılmışdır.
Sankt-Peterburq prokurorluğu milli, irqi və dini nifrət, yaxud düşmənçilik zəminində qətl hadisəsi üzrə cinayət işi qaldırmışdır.
Bölmənin digər xəbərləri
