RUSİYANIN SİRK ARTİSTLƏRİ BAKIYA GƏLƏCƏKLƏR
Bu yaxınlarda paytaxt sakinləri və şəhərimizin qonaqları Baki Dövlət Sirkində Rusiyanın sirk ustalarının iştirakı ilə “Sirk, teatr və şou” proqramına tamaşa edə biləcəklər.
Proqrama akrobatların, jonqlyorların, klounların maraqlı nömrələri, habelə müxtəlif vəhşi heyvanların, o cümlədən Çində keçirilən “Gümüş şir” müsabiqəsinin mükafatına layiq görülmüş əhlilləşdirilmiş pişiyin çıxışları daxildir.
“Sirk, teatr və şou” proqramının rəhbəri Rusiya Federasiyasının əməkdar artisti, bir neçə beynəlxalq müsabiqənin baş mükafatını qazanmış Vitali Vorobyovdur.
Rusiyalı sirk artistləri bu ayın sonunadək yalnız istirahət günləri çıxış edəcəklər. Məktəblilərin qış tətili günlərində isə balaca tamaşaçılar sirk proqramına hər gün baxa biləcəklər.
Bölmənin digər xəbərləri
