Rüstəm Orucov: Azərbaycana ilk medalı qazandırdığım üçün çox xoşbəxtəm
Bakı, 9 avqust, AZƏRTAC
Azərbaycana ilk medalı qazandırdığım üçün çox xoşbəxtəm. Mənə dəstək olan hər kəsə təşəkkürümü bildirirəm.
AZƏRTAC xəbər verir ki, bu sözləri XXXI Yay Olimpiya Oyunlarının cüdo yarışlarında Azərbaycana ilk medalı qazandıran Rüstəm Orucov Gənclər və İdman Nazirliyinin mətbuat xidmətinin rəhbəri Səmayə Məmmədovaya müsahibəsində deyib.
“Azərbaycanın üçrəngli bayrağının Braziliyada dalğalanması həqiqətən qürurverici idi”, - deyə idmançımız qeyd edib.
Yarışa ciddi hazırlaşdığını bildirən R.Orucov finaldakı rəqibinin güclü olduğunu deyib: “Olimpiadaya hazırlaşarkən yaponiyalı idmançının finala çıxacağını güman edirdim. Ona uyğun texnika üzərində işlədik. O da öz üzərində hazırlaşdığı üçün görüşdə üstünlüyə sahib oldu”.
Bölmənin digər xəbərləri
