Sabirabadda narkotik tərkibli bitki becərən şəxs saxlanılıb
Bakı, 25 aprel, AZƏRTAC
Sabirabad Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi və kultivasiyası ilə məşğul olan şəxslərin aşkar edilərək məsuliyyətə cəlb olunmaları istiqamətində əməliyyat tədbiri keçirilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, Rayon Polis Şöbəsi əməkdaşlarının daxil olmuş məlumat əsasında Çöl Dəllək kənd sakini Ş.Əhmədova məxsus həyətyanı sahədə keçirdikləri əməliyyat-axtarış tədbirləri nəticəsində oradan kultivasiya yolu ilə yetişdirilmiş 13 ədəd çətənə kolu aşkarlanaraq götürülüb.
Faktla bağlı Sabirabad Rayon Polis Şöbəsində araşdırma aparılır.
Bölmənin digər xəbərləri
