Sahibkarlığın İnkişafı Fondu ilin əvvəlindən 1732 sahibkara 72,1 milyon manat güzəştli kredit verib
Bakı, 21 sentyabr, AZƏRTAC
Özəl sektora dövlət dəstəyi çərçivəsində Sahibkarlığın İnkişafı Fondu tərəfindən bu ilin əvvəlindən 1732 sahibkara 72,1 milyon manat, o cümlədən 1725 kiçik və orta həcmli layihəyə 53,4 milyon manat güzəştli kredit verilib.
AZƏRTAC xəbər verir ki, bu barədə iqtisadiyyat naziri Mikayıl Cabbarov deyib.
Nazir qeyd edib ki, bu kreditlər hesabına 1690 yeni iş yerinin açılması imkanı yaranıb. Güzəştli kreditlərin 71,4 faizi aqrar sektorun, 28,6 faizi müxtəlif sənaye məhsullarının istehsalı və emalı və sair sahələrin, o cümlədən vəsaitlərin 88,2 faizi regionların, 11,8 faizi isə Bakı şəhərinin qəsəbələrinin payına düşür.
Bölmənin digər xəbərləri
