Şahmat üzrə dünya çempionatında ikinci turun oyunları keçirilib
Bakı, 6 mart, AZƏRTAC
Martın 6-da Qazaxıstanın paytaxtı Astanada şahmat üzrə kişilər arasında komandalararası dünya çempionatının ikinci turunun oyunları keçirilib.
AZƏRTAC xəbər verir ki, Azərbaycan komandası növbəti turu da məğlubiyyətlə başa vurub - 1,5:2,5. İngiltərə yığması ilə matçda yalnız Arkadi Naydiç qələbə qazanıb. Qədir Hüseynov heç-heçə edib, Rauf Məmmədov və Eltac Səfərli isə məğlub olublar.
Qeyd edək ki, komandamız ilk turda Çin yığmasına uduzub - 0,5:3,5.
Bölmənin digər xəbərləri
