Salyanda maşın piyadanı vurub
Salyan, 21 yanvar, Mahir Babayev, AZƏRTAC
Salyanda bir nəfərin ağır xəsarət alması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, qəza bu gün səhər saatlarında şəhərin X.R.Ulutürk prospektində qeydə alınıb.
Həmin küçədə yaşayan 1973-cü il təvəllüdlü Xəlilov Bəxtiyar Ağamalı oğlu yolu keçərkən minik avtomobili onu vurub. Müxtəlif dərəcəli bədən xəsarətləri alan piyada Salyan Rayon Mərkəzi Xəstəxanasının travmatologiya şöbəsinə yerləşdirilib.
Faktla bağlı araşdırma aparılır.
Bölmənin digər xəbərləri
