“SAMARADAKI AZƏRBAYCANLILARIN LİIQASI”NIN 5 İLLİK YUBİLEYI QEYD OLUNMUŞDUR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, Rusiyanın Samara şəhərində fəaliyyət göstərən “Samaradakı Azərbaycanlıların Liqası”nın 5 illik yubileyi qeyd olunmuşdur.
Şəhərin mərkəzində yerləşən mədəniyyət sarayında 800 soydaşımızın iştirakı ilə konsert təşkil edilmişdir.
Konsertdə Bakıdan dəvət olunmuş skripka ifaçısı Ceyhun İsmayılovun, müğənnilər Xuraman Ələsgərovanın, Azər Qafarovun və “Bakı” rəqs ansamblının çıxışları maraqla qarşılanmışdır.
Mərasimdə Samara vilayəti və Samara şəhərinin yerli icra orqanlarının nümayəndələri, digər xalqların diaspor təşkilatlarının rəhbərləri, Xarici Ölkələrdə Yaşayan Azərbaycanlılarla İş üzrə Dövlət Komitəsinin əməkdaşları iştirak etmişlər.
“Samaradakı Azərbaycanlıların Liqası”nın sədri Şirvan Kərimov vilayətin başçısı və şəhərin meri adından fəxri fərmanla təltif olunmuşdur.
Bölmənin digər xəbərləri
