SANKT-PETERBURQDA ƏFQANISTAN VƏTƏNDAŞI DÖYÜLMÜŞDÜR
Peterburqun Mərkəz rayonunun Daxili İşlər İdarəsindən bildirmişlər ki, 31 yaşlı Əfqanıstan vətəndaşı bazarda naməlum şəxslərlə münaqişə nəticəsində döyülərək, ağır xəsarət almışdır.
Peterburqun əfqan diasporunun nümayəndələri bildirmişlər ki, ona üç kişi basqın etmişdir. Onlardan biri milis formasında olmuşdur. Hadisənin şahidlərinin sözlərinə görə, digər basqınçılar da hüquq mühafizə orqanlarının əməkdaşlarıdır. Şahidlər onların sərxoş olduqlarını bildirmişlər.
Volqoqradın Traktorozavodsk rayonunda isə odlu silahdan qətlə yetirilmiş milis əməkdaşının meyiti tapılmışdır. Şəhərin hüquq mühafizə orqanlarının nümayəndəsi bildirmişdir ki, hadisənin törədilməsində şübhəli bilinən yerli sakin – narkoman qadın tutulmuşdur. Həbs zamanı onun üstündə milis əməkdaşına məxsus tabel silahı və mobil telefon tapılmışdır. İstintaqın məlumatına görə, milis əməkdaşı saxlanılan həmin qadınla bağlı təhqiqat aparırdı.
Bölmənin digər xəbərləri
