SƏDDAM HÜSEYNİN EDAMI İRAQDA VƏTƏNDAŞ MÜHARİBƏSİNƏ SƏBƏB OLACAQDIR
Sabiq İraq Prezidenti Səddam Hüseynin beynəlxalq vəkillər qrupuna bu yaxınlarda qoşulan tanınmış italyan hüquqşünası Covanni di Stefano hesab edir ki, onun edam olunması ölkədə vətəndaş müharibəsinə gətirib çıxaracaqdır. AZƏRTAC xəbər verir ki, o, oktyarbın 15-də “Əş-Şərq əl-Övsət” qəzetinə müsahibəsində demişdir: “İraq hökuməti Səddam Hüseyni edam etdirmək istərdi. Lakin bu, problemin həlli yolu deyildir. Onun heç bir cinayətindən xəbərim yoxdur. Məndə olan sübutlara görə, Səddam Hüseyn kürdləri kimyəvi silahın köməyi ilə qırdırmamışdı”.
Xatırladaq ki, bu hüquqşünas İtaliya mafiyası başçılarının, Böyük Britaniyanın ən qəddar qatillərindən biri olan Harold Şipmanın, habelə serb könüllülərinin “Pələnglər” qrupu üzvlərinin müdafiəçisi kimi ad çıxarmışdır.
