Şəhidin adını daşıyan məktəbdə təşkil olunmuş tədbir iştirakçılara kədər dolu anlar yaşatmışdır
Kürdəmir, 26 fevral (AZƏRTAC). Şəhid Famil Həşimovun adını daşıyan 3 nömrəli tam orta məktəbdə Xocalı faciəsinin 22-ci ildönümünə həsr olunmuş ədəbi-bədii kompozisiya nümayiş etdirilmişdir.
AZƏRTAC xəbər verir ki, mərasimdə müəllim və şagirdlərlə yanaşı, rayonda məskunlaşmış Xocalı sakinləri, ictimaiyyətin nümayəndələri də iştirak etmişlər. Məktəbin direktoru Bayram Cəfərov, müəllimlərdən Günəş Xudiyeva, Əli Ağayev və başqaları çıxış edərək qəddar erməni millətçilərinin azərbaycanlıların başına gətirdikləri müsibətlərdən, Xocalı faciəsinin dəhşətlərindən söhbət açmışlar. Xüsusi vurğulanmışdır ki, Prezident İlham Əliyevin apardığı uğurlu daxili və xarici siyasət nəticəsində torpaqlarımız işğaldan azad olunacaq, Xocalı faciəsinin baiskarları gec-tez ədalət məhkəməsi qarşısında dayanacaqlar.
Məktəb kollektivinin təqdim etdiyi ədəbi-bədii kompozisiya və şagirdlərin Xocalı faciəsi ilə bağlı rəsmləri iştirakçılara kədər dolu anlar yaşatmışdır.
Bölmənin digər xəbərləri
