SƏHİYYƏ İŞÇİLƏRİ TALASSEMİYALI XƏSTƏLƏR ÜÇÜN QAN VERMİŞLƏR
Azərbaycan çoxlu talassemiyalı xəstənin qeydə alındığı ölkələr sırasına daxildir. Hazırda ölkəmizdə müxtəlif klinik formalı təxminən 900 talassemiyalı xəstə qeydiyyatdadır. Bu xəstələrin müalicəsi 4 gündüz stasionarında aparılır. Stasionarlardan ikisi Bakıda, ikisi isə Gəncə və Şəkidə yerləşir.
Heydər Əliyev Fondunun prezidenti Mehriban Əliyevanın təşəbbüsü ilə Azərbaycanda talassemiyalı xəstələr üçün Mərkəz, onun nəzdində isə qan bankı yaratmaq nəzərdə tutulur. Ölkəmizdə “Hemofiliya və talassemiya irsi qan xəstəliklərinə düçar olmuş şəxslərə dövlət qayğısı haqqında Azərbaycan Respublikasının Qanunu” və “Hemofiliya və talassemiya irsi qan xəstəlikləri üzrə Dövlət Proqramı” qəbul edilmişdir. Səhiyyə nazirinin əmrinə uyğun olaraq, talassemiyalı xəstələrin müalicəsi üçün kifayət qədər dərman preparatları alınaraq, əlaqədar tibb müəssisələrinə paylanmışdır.
Bölmənin digər xəbərləri
