SƏHİYYƏ NAZİRLİYİ DAHA 90 ƏDƏD “TƏCİLİ YARDIM” AVTOMOBİLİ ALMIŞDIR

15.10.2004 [23:34]
Çap et
A⁺ A^-

AZƏRTAC xəbər verir ki, Rusiyadan alınmış “təcili yardım” avtomobillərinin daha 90 ədədi Azərbaycana gətirilmişdir. Bakının Azadlıq meydanında səhiyyə müəssisələri rəhbərlərinin, tibb ictimaiyyətinin iştirakı ilə bu avtomobillərin müxtəlif bölgələr üzrə bölüşdürülməsi mərasimi keçirilmişdir. Səhiyyə naziri Əli İnsanov çıxışında vurğulamışdır ki, əhalinin sosial-iqtisadi vəziyyətinin yaxşılaşdırılmasına böyük diqqət yetirən Prezident İlham Əliyevin Sərəncamına əsasən alınmış avtomobillərin 100-ü hələ mart ayında ölkəmizə gətirilmişdi.

Nazir bildirmişdir ki, səhiyyənin maddi bazasının təkmilləşdirilməsi və tibbi xidmətlərin səviyyəsinin artırılması proqramı çərçivəsində Azərbaycanda yeni xəstəxanaların açılması nəzərdə tutulur.

Əli İnsanov avtomobillərin açarlarını tibb müəssisələrinin nümayəndələrinə təqdim etmişdir. 30 avtomobil Bakının, 3-ü Sumqayıtın, qalanları isə bölgələrin tibb müəssisələrinə ayrılmışdır.

SƏHİYYƏ NAZİRLİYİ DAHA 90 ƏDƏD “TƏCİLİ YARDIM” AVTOMOBİLİ ALMIŞDIR

MÜƏLLİFLƏ ƏLAQƏ

Bölmənin digər xəbərləri