ŞƏKİ TAXILÇILARI GƏLƏN İLİN MƏHSUL BOLLUĞUNA İNDİDƏN CİDDİ HAZIRLAŞIRLAR
Şəki Şəhər İcra Hakimiyyətinin aqrar məsələlər şöbəsindən AZƏRTAC-a bildirmişlər ki, rayonun taxılçılıq təsərrüfatlarında payızlıq taxıl səpini üçün yay şumu qaldırılır. İndiyədək 15 min hektardan artıq sahədə şum qaldırılmışdır. Hazırda bu iş davam etdirilir.
Bu məqsədlə fermerlər Şəki Regional Aqroservis və Təchizat Bazasının balansında olan 54 müxtəlif markalı şum traktorundan, əhalinin şəxsi mülkiyyətində olan müxtəlif növ kənd təsərrüfatı texnikasından istifadə edirlər.
Payızlıqların səpini üçün 20 min tona yaxın yüksək reproduksiyalı toxum fondu ayrılmış, laboratoriya müayinəsindən keçirilmiş, səpinə hazır vəziyyətə gətirilmişdir. Səpin zamanı rayonlaşdırılmış sortlardan olan “Qılçıqsız-1”, “Əzəmətli-95”, “Şəki-1”, “Ruzi-84”, “Aran-4” və digər məhsuldar toxum sortlarına üstünlük veriləcəkdir.
Hazırda rayonda 26 dövlət və özəl toxumçuluq təsərrüfatı fəaliyyət göstərir.
Bölmənin digər xəbərləri
