Şəki rayonunun taxılçılıq təsərrüfatlarında hazırda səpin kampaniyasının qızğın çağıdır. Payız əkini üçün nəzərdə tutulmuş 50 min hektarın 37 min hektarında şum başa çatdırılmış və indiyə kimi 5 min hektar sahəyə taxıl səpilmişdir.

Şəhər icra hakimiyyətindən AZƏRTAC-ın müxbirinə bildirmişlər ki, səpin zamanı torpaq sahibləri yerli iqlim şəraitinə uyğunlaşmış, şaxtaya davamlı və yüksək məhsuldar “Bərəkətli”, “Tərtər”, “Qarabağ-21” və digər buğda toxumu sortlarına daha çox üstünlük verirlər.